Moda standartlariga tayanib, televizor ekranlarida oppoq tabassumli modellar va aktrisalarni ko’rib, ko’pchilik bir xil benuqson tishlarga ega bo’lishni xohlashadi. Biroq, xohlaganlarning yarmi sifatli tibbiy yordam uchun tish shifokoriga bormaydi, balki uy sharoitida tishni oqartirish amaliyotini bajarishni afzal ko’radilar. Bugun siz bilan uy sharoitida tishlarni oqartirishning bir necha usullarini ko’rib chiqamiz, lekin avval siz bilib olishingiz kerak: sizga bu protsedura mumkin yoki mumkin emasligini. Buni aniqlash uchun esa, stomatolog shifokor ko’rigidan o’tish lozim.
Foydali maqola: Yuzni oqartirish va yoshartirish uchun uy sharoitida sinalgan usullar
Mundarija
Oqartirish uchun ko’rsatmalar
Tishlaringiz yetarlicha kuchli va qalin emal qatlamiga ega bo’lishi kerak. Uning holatini faqat tish shifokori aniqlay oladi. Sariq qoplama yuzaki bo’lishi kerak. Agar u chuqur bo’lsa, unda tishlarni oqartirish usullari sizga kerakli natijani bermaydi.
Qo’llash mumkin bo’lmagan holatlar:
- Tish sezgirligining oshishi;
- Vodorod periksga allergiya;
- Karies;
- Emal shikastlanishi.
Shunday qilib, agar tish shifokori protseduraga qarshi ko’rsatmalar yo’qligini aniqlagan bo’lsa, siz uyda tishlarini oqartirish orqali vaqt va pulni tejashingiz mumkin, lekin har doim «zarar qilmang» tamoyiliga amal qiling.
Tishlarni oqartirish usullari
Mevalar yordamida
Mevalarni, xususan qulupnayni nafaqat yeyish, tortga qo’shish yoki murabbo qilish, balki tishlaringizni oqartirishda ham foydalanish mumkin. Oqartirish materiali sifatida ham sharbat, ham qulupnayni bevosita ishlatishingiz mumkin. Siz og’zingizni sharbat bilan yuvishingiz kerak, keyin tishingizni bo’lagi bilan artishingiz kerak.
Afzalligi: uyda tishlarni oqartirishning ekologik toza va juda mazali usuli.
Kamchiliklari: ammo qulupnay va qulupnay sharbati tarkibida tish emaliga zarar yetkazadigan kislota borligini unutmang, shuning uchun oqartirishning bu usulidan keyin ularni tish pastasi bilan tozalash kerak.
Qayin barglari infuziyasi yordamida
Yarim stakan qayin barglariga qaynoq suv quying va 20-25 daqiqa davomida damlang. Kuniga kamida 2 marta, bu infuziyaga namlangan tish cho’tkasi yordamida tishlaringizni 3 daqiqa yuving.
Afzalligi: Ekologik toza, uyda tishlarni oqartirishning mutlaqo arzon va qulay usuli.
Kamchiliklari: infuzion tarkibida tish emalini korroziyalovchi moddalar bor, shuning uchun tozalashdan keyin og’zingizni suv bilan yuvish kerak. Bundan tashqari, oqartirish juda tez sodir bo’lmaydi: ta’sir bir oy ichida yaxshi bo’ladi.
Soda bilan oqartirish
Iste’mol sodasiga botirilgan paxta bilan tishlaringizni artishingiz mumkin. Bundan tashqari, siz dokani soda bilan to’ldirishingiz va tishingizni u bilan artishingiz mumkin, doka yuzasi qo’pol bo’lgani uchun tozalash effekti yaxshiroq bo’ladi.
Afzalligi: tishlarni shu tarzda oqartirish yaqin kelajakda sezilarli natijalarni beradi, bundan tashqari, bu usul unchalik qimmat emas.
Kamchiliklari: soda tishingizning emalini zararlanishiga olib kelishini va uning yupqalashishiga sabab bo’lishini bilishingiz juda muhim, shuning uchun uni bu usulda tez-tez oqartirish mumkin emas. Shuningdek, soda og’iz bo’shlig’ining shilliq pardalariga salbiy ta’sir qiladi va kislotalilikni pasaytiradi.
Ushbu maqolani o’qing: Og’iz hidlanishi — sabablari va uni yo’qotish usullari
Faollashtirilgan (aktiv) ko’mir bilan tishni oqartirish
Faollashtirilgan ko’mirni yaxshilab maydalang, shunda kukun hosil bo’ladi va nam cho’tkaga surtiladi. Oqartirish 2-3 daqiqa davomida amalga oshirilishi kerak, keyin og’zingizni chaying va tishlarini tish pastasi bilan yuving.
Afzalligi: bunday usul orqali tishni oqartirish oson, chunki faollashtirilgan ko’mir har qanday dorixonada mavjud va u juda arzon.
Kamchiliklari: bu usul eng qisqa vaqt ichida tishlarini oqartirishni maqsad qilganlar uchun juda mos emas. Bundan tashqari, agar faollashtirilgan ko’mir yetarli darajada maydalanmagan bo’lsa, unda siz tishlarning emaliga chizish xavfini tug’dirasiz.
Oqartiruvchi pastalardan foydalanish
Bu uyda tishlarni oqartirishning eng qiyin usuli. Ezish, ishqalash yoki boshqa amaliyot qilishning hojati yo’q: oqartiruvchi pastani cho’tkaga surtish va tishlaring yuzasini cho’tkalash kifoya.Tish shifokori oqartirish pastasini tanlashda sizga yordam beradi.
Elektr tish cho’tkalari qo’lda ishlatilgandan ko’ra samaraliroq.
Afzalligi: oqartirish pastalarini ishlatadigan tishlarni oqartirish usullari tish emallari uchun eng xavfsiz hisoblanadi.
Kamchiliklari: bu samarasiz usul, bundan tashqari, bunday oqartirishni bir oydan ortiq ishlatish mumkin emas, aks holda tishlarning emallari yomonlasha boshlaydi.
Tegishli maqola: Tish chirishi
Tishni oqartirish uchun maxsus gellar
Bu uyda tishlarni oqartirishning nisbatan yangi usuli. Uni ishlatish uchun sizga maslahat yoki tish shifokorining yordami kerak. Shifokor sizga to’g’ri gelni tanlashda yordam beradi va uni oqartirish uchun qanday ishlatishni aytib beradi. Gelni shunchaki tish yuzasiga surtish mumkin.
Afzalligi: usul juda samarali, ko’rinadigan natijalarni beradi.
Kamchiliklari: og’iz bo’shlig’ini oqartirishdan foydalanganda vodorod periks bilan ehtiyot bo’lish kerak. Buning eng yaxshi usuli — tish shifokori bilan maslahatlashgandan keyin xarid qilgan ma’qul.
Uy sharoitida tishni oqartirish va yorqin tabassumni saqlash ta’siri
Uyda tishlarni oqartirish tabassumingizni yanada jozibali va chiroyli bo’lishiga yordam beradi. Albatta, stomatologiya klinikasiga tashrif buyurganidan keyin bo’ladigan tezkor ta’sirni kutish mumkin emas, lekin natija birozdan keyin sezila boshlaydi.
Tishni oqartirish uchun foydalaniladigan mahsulotlarni foydalanishda haddan oshib ketmang, chunki yuqorida aytiganidek uyda tishni oqartirishda me’yorni bilmaslik salbiy oqibatlarga olib kelishi mumkin.
Me’yor buzilsa, tishlarning sezuvchanligi oshadi, emalda mikroskopik chizmalar hosil bo’ladi, bu keyinchalik kariesga va tishning to’liq yoki qisman vayron bo’lishiga olib kelishi mumkin.
Bundan tashqari, uy sharoitida tishni oqartirish uchun agar vodorod periks yoki daraxt qatronidan foydalansangiz, va me’yorni buzsangiz zaharlanishga olib kelishi mumkin. Agar tishlarni oqartirishning yuqoridagi usullari sizga qulay va mutlaqo xavfsiz bo’lib tuyulsa ham, ularni ishlatishdan oldin tish shifokoringiz bilan maslahatlashsangiz maqsadga muvofiq bo’ladi.
Agar tishlaringizni oqartirish muvaffaqiyatli bo’lsa, oq tabassumni iloji boricha uzoqroq saqlash uchun siz bir necha oddiy qoidalarga amal qilishingiz kerak:
- Oqartirish protsedurasi butun umr o’z ta’sirini saqlay olmaydi. Hatto stomatologik klinikada oqartirish natijasi ham 2-3 yildan ortiq davom etmaydi, bunday protsedurani uyda o’tkazish haqida gapirmasa ham bo’ladi. Shuning uchun oqlikni saqlab qolish uchun uni 8-9 oydan keyin takrorlash kerak;
- Tez-tez olma iste’mol qiling. Olma tish va milk uchun juda ham foydali;
- Achchiq choy va qahva miqdorini cheklang — ular sizning barcha oqartirish harakatlaringizni tezda barbod bo’lishiga olib kelishi mumkin;
- Va, albatta, kuniga 2 marta tishlaringizni yuvishni unutmang — bu nafaqat ularning tez sarg’ayishini oldini oladi, balki karies, boshqa tish va og’iz bo’shligi kasalliklaridan yaxshi himoya bo’ladi.
Karpovich Radion, stomatolog.
ddmedic.ru
