qovoq shishi
Kasalliklar

Qovoq shishi — sabablari va davolash usullari

“Har tong meni bir muammo qiynaydi: ko‘z osti qovog‘im shishib uyg‘onaman. Buning sababi va davosi haqida ma’lumot bersangiz?”

Shaxnoza. Samarqand

Tongda oynaga qarab qovoqlari osti shishgani ko‘rgan kishininig kayfiyati buzilishi tabiiy. Chunki ertalabdan ishga, o‘qishga borib odamlar bilan muloqotda bo‘ladigan kishi tetik, sog‘lom ko‘rinishni xohlaydi.

Mundarija

Qovoq osti shishi sabablari

Xo‘sh, qovoqlarlar osti nima sababdan shishadi va undan qanday qutulish mumkin? Keling, avvalo qovoqlar osti nima sababdan shishishini o‘rganamiz.

Bunga faqat kechasi ko‘p suyuqlik ichish yoki tunda uxlamaslik sabab bo‘ladi deyish xato. Bunga odam ichki organlarining kasalliklari ham sabab bo‘lishi mumkin.

Qovoq osti shishiga:

  • muddati o‘tgan, sifatsiz kosmetikadan foydalanish;
  • kechqurun ichilgan spirtli ichimliklar;
  • kashandalik;
  • uyqusizlik, depressiya, stress;
  • uyqudan oldin sho‘r yeguliklar yeyish;
  • noto‘g‘ri ovqatlanish (sho‘r achchiq, yog‘li ovqatlarni haddan tashqari ko‘p yeyish), semizlik sabab bo‘lishi mumkin.

Agar siz sog‘lom turmush tarafdori bo‘lib, yuqridagi sabablar sizga tegishli bo‘lmasa unda qovok osti shishi sabablarini aniqlash uchun shifokorga murojaat etishingiz va tekshiruvlardan o‘tib, bu holatga nima sabab bo‘lganini aniqlashingiz kerak.

Qaysi xasataliklar sabab bo‘lishi mumkin?

• buyrak yoki yurak yetishmovchiligi;
• allergik reaksiyalar.

Qovoq shishi davosi

Qovoq osti shishishi davolanishning zamonaviy kosmetologiya va xalq tabobati usullari bor.

Zamonaviy kosmetologiya:

• infraqizil lazer,
• mikrotoklar,
• limfodrenaj,
• qovoq osti terisi uchun piling.

Xalq tabobati

• ko‘z atrofi terisini tortuvchi tabiiy niqoblar,
• moychechak, qora choy, suvdan tayyorlangan sovuq kompresslar,
• muz bo‘lakchalari, moychechak, mavrak, eman, damlamalari.

Qovoq shishini uy sharoitida davolash

O‘tlardan tayyorlanadigan kompresslar

Qovoq osti shishishini yo‘qotish uchun moychechak, rozmarin, yalpiz barglari, jo‘ka barglaridan foydalaning. Bir piyola qaynoq suvga bir qoshiq quritilgan o‘tlar jamlanmasidan solib ustini yopib damlab qo‘yasiz. Sovigan, tayyor damlamadan qovoq ostiga kompress qilasiz.

1qoshiq choyga 1 qoshiq quritilgan moychechakni aralashtirib bir piyola qaynagan solib damlang va sovugach, damlamaga paxta botirib qovoqlar ustiga qo‘ying.

Kartoshkadan bo‘tqa tayyorlang, sovugach, dokaga solib, qovoqlaringiz ustiga qo‘ying. Bu niqob qovoq osti shishini yo‘qotibgina qolmay, terini yoshartiradi.

Agar kartoshkani qaynatishga vaqtingiz yetmasa, unda xom kartoshkani 2 bo‘lakka bo‘lib ko‘zingiz ustiga qo‘yishingiz, yoki kartoshkani qirg‘ichdan o‘tkazib petrushka, shivitni maydalab to‘g‘g‘ab, dokaga o‘raysiz. Bu kompress ham qovoqlarga qo‘yiladi.

Bodringni qirg‘ichdan o‘tkazib qovog‘ingiz qo‘ying, ustidan iliq sutga botirilgan paxtani qo‘ysangiz yanada samarali bo‘ladi.

Petrushkani go‘sht maydalagichdan o‘tkazib (1 qoshiq) achchiq choy damlamasi bilan aralashtirib ko‘zingizga kompress qiling.

2 qoshiq smetanaga 1 qoshiq maydalangan petrushkani aralashtirib niqob tayyorlang va ko‘z ustiga qo‘ying.

Asalni eritib 1 qoshig‘ini 1 qoshiq bug‘doy uni va bitta tuxum oqini aralashtirib niqob tayyorlang va qovoq ustiga qo‘ying

Savolga oliy toifali shifokor-terapevt Saida Nuritdinova javob berdi.
Darakchi.uz

Добавить комментарий

Ваш адрес email не будет опубликован. Обязательные поля помечены *

Этот сайт использует Akismet для борьбы со спамом. Узнайте, как обрабатываются ваши данные комментариев.