Xolangit [yun. chole – oʻt va anderon – tomir], angioxolit – oʻt yoʻllarining yalligʻlanishi. Xolangitni, odatda, ichak tayokchasi va boshqa(lar) mikroblar qoʻzgʻatadi. Koʻpincha, xoletsistit, oʻt-tosh kasalligi bilan birga kechadi. Infeksiya oʻt yoʻllariga oʻt pufagi, meʼda-ichak yoʻli, meʼda osti bezidan va limfa, qon orqali tushishi mumkin. Shuningdek, oʻt yoʻli motor faoliyatining buzilishi yoki tosh paydo boʻlib, oʻt toʻxtab qolishi ham xolangitga sabab boʻladi. X. kataral, yiringli va nekrotik boʻlishi mumkin. Kechishiga koʻra, oʻtkir va surunkali X. farqlanadi.
Oʻtkir xolangitda bemorning eta uvishib, vakvaqgi bilan isitmalaydi, koʻp terlaydi, ogʻzi taxirlashib, qusadi, oʻng qovurgʻa osti ogʻriydi. Jigari shishib, terisi sargʻayadi, kichishadi. Surunkali X., koʻpincha, oʻtkir xolangitdan soʻng vujudga kelib, belgilari xoletsistitga oʻxshaydi. Bunda koʻz oklari sargʻayib, oʻng qovurgʻa osti doim ogʻrib turadi, bemorni darmoni qurib, vakt-vaqti bilan eti uvishadi, tez charchaydi. Koʻpincha, jigar va taloq shishadi. Baʼzan X. oqibatida peritonit, jigar sirrozi, pankratit va boshqa(lar) kelib chiqishi mumkin.
Davo bemorning umumiy ahvoli va kasallik belgilariga qarab olib boriladi, parhez buyuriladi.
iltimos xolangit va uning to’g’risida kengroq ma’lumotlar bersangiz o’zbek tilida barchamiz uchun juda foydali bo’lar edi