Uyqusizlik

Uyqusizlik, insomniya, agripniya – tungi uyqu maromining buzilishi; tunda kam yoki yuzaki uxlash, uyqu kelmaslik, bevaqt uygʻonaverish, shuningdek, juda erta uyqu oʻchib ketishi va boshqa(lar)

Baʼzi odamlarda uyqu bolaligidan buzilgan boʻladi, masalan, irsiy, ilk yoshda boshdan kchirilgan baʼzi kasalliklar yoki nerv tizimi, bosh miyaning shikastlanishi oqibatida kelib chiqadi.

Uyqusizlik, koʻpincha, nerv tizimining kuchli ruhiy, emotsional shikastlari, nevroz, psixoz, bosh miyaning organik kasalliklari (ayniqsa, miya qon tomirlari aterosklerozi), ichki aʼzolar va endokrin bezlar (buyrak, jigar, qalqonsimon bez) kasalliklari bilan bogʻliq nerv tizimining funksional buzilishlarida uchraydi. U. yetadigan joyning noqulay boʻlishi, biror narsadan hayajonlanish, birorta kasallikning boshlanish belgisi boʻlishi ham mumkin.

Agar uyqusizlik noxush kechinmalar, tolikish, uxlash maromining buzilishidan (funksional uyqusizlik) kelib chiqqan boʻlsa, u oʻzicha tiklanadi. Buning uchun har kuni bir vaqtda odatdagi sharoitda yotish, yaxshi xayollar surish lozim. Bu tavsiyalarga rioya qilinsa, hayajonlanish, toliqishdan yuzaga keladigan uyqusizlik tezda oʻtib ketadi. Uyqu yoshi qaytgan va qarigan kishilarda oʻzgaradi; uyqu yoshlik davriga qaraganda birmuncha yuzaki va qisqa muddatli boʻlib keladi, bu shu yoshdagi organizmning fiziologik xususiyatlari natijasidir.

Uyqusizlikning har qanday turida ham shifokor bilan maslahatlashib, zarur muolajalarni olish tavsiya etiladi, oʻz bilgicha dori-darmonlar bilan davolanish xavfli asoratlarga olib keladi.

Добавить комментарий

Ваш адрес email не будет опубликован. Обязательные поля помечены *

Этот сайт использует Akismet для борьбы со спамом. Узнайте, как обрабатываются ваши данные комментариев.