Simptom

Simptom [yun. symptome – belgi, alomat] – biror kasallik yoki patologik holatning belgisi. Tibbiyotda nospetsifik (umumiy] – kelib chiqishi turlicha boʻlgan kasalliklarda uchraydigan simptom (masalan, darmonsizlik, tana haroratinig koʻtarilishi) va patologik maʼlum bir kasallikka xos simptom (yaʼni meʼda yarasi yorilib ketganda koʻkrak ostida pichoq sanchgandek ogʻriq turishi), subyektiv (bemordan soʻrab olingan) va obyektiv (bemorni turli yoʻllar bilan tekshirib bilingan) S. lar farqlanadi.

Kasallik boshlanishidan darak beradigan dastlabki (masasalan: zotiljamda koʻkrak kafesida ogʻriq sezilishi) hamda keyingi S. (xoletsititda qorin pardasining yalligʻlanishi) ham boʻladi. Har qanday kasallik S. lar yigʻindisi [sindrom]ga qarab aniqlanadi.

Fikr bildirish

Email manzilingiz chop etilmaydi. Majburiy bandlar * bilan belgilangan

This site uses Akismet to reduce spam. Learn how your comment data is processed.