Faringit

Faringit [yun. pharynx – halqum va itis-yalligʻlanish] – halqum (yutqin) shilliq pardasining yalligʻlanishi. Faringit kechishiga qarab oʻtkir va surunkali boʻladi.

Oʻtkir respirator kasalliklar, gripp va boshqa(lar) infeksion kasalliklar oqibatida roʻy beradi. Halqum shilliq pardasiga bevosita taʼsir etadigan omillar (sovuq havoda gaplashish, nafas olish, juda issiq yoki sovuq ovqatlar isteʼmol qilish, spirtli ichimliklar ichish, chang havodan, gazlar butilen nafas olish va boshqa(lar)) ham faringitga sabab boʻlishi mumkin.

Oʻtkir faringitda halqum qurib, qilishadi, tupuk yutganda, ayniqsa,“kuruk yutinganda” ogʻriq paydo boʻladi, tana harorati normal turadi, baʼzan biroz koʻtariladi. Kasallikning oldi olinmasa, surunkali shaklga oʻtishi mumkin. Surunkali faringitda halqumda shilimshiq ajralma toʻplanadi, bemor, koʻpincha, yoʻtalib, balgʻam tashlaydi; yoʻtalganda baʼzan koʻngli aynib, qayt qilishi mumkin.

Burun, murtak va chirigan tishlarning yiringli yalligʻlanishi, surunkali tumov, organizmda moddalar almashinuvining buzilishi kasalliklari oqibatida surunkali faringit paydo boʻladi. Havo kuruklgi, haroratning keskin oʻzgarishi, chang va gazli muhit kabi zararli omillar ham F. sababchisidir. Kasallikni keltirib chiqargan omillar oʻz vaqtida yoʻkotilmasa, u surunkali tus olib, halqum shilliq pardasining atrofiyasiga olib keladi.

Faringitning oldini olishda halqum shilliq pardasiga taʼsir etadigan zararli omillarni yoʻqotish, shamollashdan saqlanish, organizmni chiniqtirish (halqumni sovuq suv bilan chayib turish), chang va gazli muhitda ishlovchilar maxsus himoya vositalaridan foydalanishlari lozim.

Fikr bildirish

Email manzilingiz chop etilmaydi. Majburiy bandlar * bilan belgilangan

This site uses Akismet to reduce spam. Learn how your comment data is processed.