Bo'yin og'rig'i
Kasalliklar

Bo’yin og’rig’i sabablari va bartaraf etish usullari

Bo’yin og’rig’i sabablari bir qancha bo‘lishi mumkin. Avvalo unutmang, tanadagi har qanday noxushlik organizmning sizga bergan signali bo‘lishi mumkin. Bo‘yindagi og‘riq avvalo artrit xastaligi alomatidir. Shuningdek bunga quyidagilar ham sabab bo‘lishi mumkin.

Bo’yin og’rig’i sabablari

Noto‘g‘ri o‘tirish yoki uxlash

Noqulay holatda uxlash bo‘yindagi og‘riqqa sabab bo‘lishi aniq. Ishda stulda uzoq o‘tirib ishlash ham bukchayib o‘tirish va bo‘yin umurtqasi noto‘g‘ri bukilishiga olib keladi. Bunda umurtqa S shaklini oladi va bo‘yin umurtqasiga og‘irlik tushadi. Maslahat: ishlaganda tez-tez holatingizni o‘zgartiring, mashq qilib turing.

Chekish

O‘pka xastaliklari, bo‘yin umurtqasidagi og‘riqlarning asosiy sababi – kashandalik. Negaki chekish umurtqa disklarini suvsizlantirib, suyaklardagi yemirilish jarayonini tezlashtiradi. Bu umurtqadagi muammolarga olib keladi. Shuningdek, chekish oqibatida tomirlar torayib, bo‘yinga qon yetib bormaydi. Maslahat: chekishni tashlang.

Telefonga “yopishib” qolish

“Sotka” orqali doimiy onlayn muloqot nafaqat bo‘yin, balki qo‘l va ko‘zlarni ham charchatadi. Telefonga egilib o‘tirganda bo‘yinga doimiy zo‘riqish tushadi.Maslahat: smartfon bilan ishlash vaqtini kamaytiring. Jismoniy harakatchan bo‘ling.

Mushak, nerv yoki limfa shamollashi

Terlab turib shamolga chiqdingizmi? Yoki salqin havoda sharfsiz yurdingizmi? Bu mushaklar shamollashi – miozitdan darak beradi. Shish bo‘lsa – limfa tuguni yallig‘lanishidan dalolat. Maslahat: shifokor ko‘rigiga boring.

Bo’yin og’rig’ini yo’qotish uchun mashqlar

Bosim oldinga

Chuqur nafas oling, kaftlaringizni peshanangizga qo‘ying va bosing. Bunda bo‘yin tarang turishi va bosh orqaga ketib qolmasligi kerak. Nafasingizni ushlab, taranglikni 5-7 soniya saqlab turing. Nafas chiqarayotganda kaftlaringizni peshonangizdan olib, boshingizni ko‘kragingizga egib, 10 soniya bo‘shashing. Ushbu mashqni 3-5 marotaba takrorlang. 

Bosim orqaga

Nafas oling, qo‘llaringizni bir-biriga jipslashtiring va boshingizning orqa tarafidan bosing. Bunda bo‘yin tarang turishi va bosh oldinga ketib qolmasligi lozim. Nafasingizni ushlab, shu holatda 5-7 soniya turing. Nafas chiqarayotganda qo‘llaringizni tushirib, 10 soniya bo‘shashing. Ushbu mashqni 3-5 marotaba takrorlang.

Bosim tomonlarga

Nafas oling, chap kaftingiz bilan chakkangizni bosing, 5-7 soniya mobaynida bosimga qaramasdan ushlab turishga harakat qiling. Nafasingizni chiqaring, bo‘yin va yelkangizdagi mushaklaringizni to‘liq bo‘shashtiring, 10 soniya dam oling. O‘ng qo‘lingiz bilan ham shunday qiling. Ushbu mashqni har bir qo‘lingizda 3-5 marta takrorlang. 

Orqaga engashmoq

Kaftlaringiz bilan bo‘yningizni orqasidan quching, nafas olganda – qarshilikni yengib, boshingizni orqaga tashlang, ko‘zingizni esa maksimal darajada yuqoriga ko‘taring. Nafasingizni tutib turib, bo‘yin mushaklarini 5-7 soniyaga tarang holatda saqlab turing. Nafas chiqarganingizda bosh va qo‘llaringizni tushiring va 10 soniyaga bo‘shashing.

Oldinga engashmoq

Kaftlar bilan bo‘yningizni bosing, u o‘z navbatida ushbu bosimga joy beradi. Nafas olayotganda bosh maksimal ravishda pastga egiladi. Daxanimiz bo‘ynimizga yopishadi va ko‘zimiz pastga qaraydi. Tarang holatni 5-7 soniya saqlab turing. Nafas chiqaring, bo‘shashing.

O‘ngga-chapga qayilishlar

Nafas olib boshni ravon ravishda chapga buring, bunda bo‘yin mushaklari tarang bo‘lishi va imkon qadar chapga uzoqroq qarash lozim. Nafas va taranglikni 5-7 soniya ushlab turing. Nafas chiqaring, 10 soniyaga bo‘shashing. Har bir tarafda 3-5 marotaba takrorlang. 

Daxaningizni ko‘kragingizga tushiring va bo‘yningizni bo‘shating

Daxaningiz bilan o‘mrov suyagingizni «ishqalashga» harakat qiling, bunda harakatlar amplitudasini kengaytirib borish lozim. 10 marotaba takrorlang.

Boshingizni orqaga tashlang, bo‘yin mushaklarini bo‘shashtiring

Boshingiz orqa tarafi bilan bo‘yningizni orqa tarafini «ishqalashga» harakat qiling. 20 marotaba takrorlang.

Bo‘shashing, yelkalaringizni tushiring

Sekin nafas oling, boshingiz tepasini imkon darajada bo‘yin umurtqasini cho‘zishga harakat qilib maksimal darajada tepaga ko‘taring. Bir vaqtning o‘zida boshingizni chapga va o‘ngga qayriltiring. Nafas chiqaring, bo‘shashing. 5 marotaba takrorlang. 

Ushbu mashqlar sizga bo‘yin og‘rig‘i, bosh aylanishi, bosh og‘rishi, quloqlarning shang‘illashidan yordam beradi. Profilaktika maqsadida mashqlarni ertalab va kechqurun bajaring, kunduz kuni esa kerak bo‘lgan hollarda boshqa alohida mashqlar bajarilishi mumkin.

Ushbu oddiy va samarali mashqlar kompleksi bilan do‘stlaringiz bilan bo‘lishing, balki siz bu bilan kimningdir hayotini yengillashtirishga o‘z hissangizni qo‘shgan bo‘lasangiz ajab emas.

Bo‘yin va yelkadagi og‘riqlardan tezda qutilish usuli (Ko’p komyuterda ishlovchilar uchun)

Agar siz kompyuter yonida uzoq vaqt ishlash tufayli bo‘yin va yelka sohalaridagi og‘riqlardan aziyat chekayotgan bo‘lsangiz va aynan o‘sha joylarni uqalash kerak, deb o‘ylasangiz xato qilasiz. Shunchaki oddiy tennis to‘pchasi bilan kaftingizni yaxshilab ezsangiz kifoya, o‘zingizni ancha yengil his qilasiz!

Odatda kompyuter yonida uzoq vaqt o‘tirib ishlaydiganlar bo‘yin va yelka sohalaridagi og‘riqdan shikoyat qilishadi. Bunga klaviatura va sichqoncha bilan ishlash tufayli kaftning charchashi sabab bo‘ladi. Yuklanishlardan charchagan kaftdagi og‘riq bo‘yin va yelka sohasiga uzatiladi.

Jil Miller ayni og‘riqni kamaytiradigan oddiy usulni tavsiya etmoqda. Buning uchun sizga tennis koptokchasi yoki bironta massaj to‘pchasi, 5 daqiqa bo‘sh vaqt va yumshoq stul kerak bo‘ladi.

Koptokchani qo‘yib uni kaftingiz bilan yopasiz hamda uni bosh barmoq yostiqchasi tomon u yoqdan bu yoqqa bosib aylantirasiz. So‘ngra aylana harakatlarga o‘tasiz, go‘yoki siz sitrus mevalar siqqichida apelsin siqayotgandek, to‘pchani eza boshlaysiz. Bir daqiqadan so‘ng qo‘lingizni almashtirasiz.

Uqalash jarayonini tugatib bo‘lgach, tik turgan holda qo‘lingizni tepaga ko‘tarib, kaftingizni orqaga qilgan holda ko‘rinmas devorni surayotgandek harakat qiling. Uning samarasini esa bo‘yin va yelkangizdagi og‘riqlar kamayganidan seza olasiz.

Qayd etish joizki, bu usul umurtqa sohasidagi jiddiy muammo sabab bo‘yin va yelkadagi og‘riqlarda foyda bermaydi. Uqalashdan keyin, og‘riqlar qolmasa shifokorga uchrashishni tavsiya etamiz.

Mashqni to‘g‘ri bajarish texnikasi bilan quyidagi video lavha orqali tanishishingiz mumkin.

Darakchi.uz
Xabardor.uz

Добавить комментарий

Ваш адрес email не будет опубликован. Обязательные поля помечены *

Этот сайт использует Akismet для борьбы со спамом. Узнайте, как обрабатываются ваши данные комментариев.